Independent Television Ltd
Mtoto wa darasa la kwanza mkoani Pwani anahofiwa kufa baada ya kuzama mtoni wakati akiogelea.

 Mtoto wa darasa la kwanza katika shule ya msingi Ubena Tarafa ya Chalinze mkoa wa Pwani aliyefahamika kwa majina ya Karim Salum anasadikika kufariki dunia baada ya kuzama kwenye maji ya mto Ngerengere wakati akiogelea na wenzake huku jitihada za kutafuta mwili wake zikigonga mwamba kutokana na wananchi kuutafuta mwili huo kwa zaidi ya siku mbili mfululizo bila mafanikio.

 ITV imeshuhudia wananchi wakiendelea na jitihada za utafutaji wa mwili wa mtoto Karim Salum anayesadikiwa kufa maji huku vijana walioshuhudia mtoto huyo akizama ndani ya maji wakieleza tukio hilo lilitokea majira ya saa kumi Alasiri wakati wakijaribu kuogelea ndani ya mto huo.
 
Naye Babu wa mtoto huyo Bwana Issa Bung’ombe ameeleza kusikitishwa na tukio hilo na kwamba mtoto huyo aliaga nyumbani akielekea mtoni kuchota maji ndipo kadhia hiyo ilipomkuta.
 
Kwa upande wake Kaimu Mwenyekiti wa kijiji cha Bwawani Abdalah Seifu ameiomba serikali kupitia vyombo vya uokoaji kuwasaidia kuongeza nguvu ya kumtafuta mtoto huyo anaye sadikiwa kufa maji ili kuokoa mwili wake.
 
Comments
Be the first to comment
ITV SHOWS
Kipima Joto
"Vita dhidi ya rushwa .Je jamii inaelimishwa namna yakushiriki kuitokomeza ?".
Ndio
Hapana
Sijui
Vote Now
Results
Weather