Zaidi ya abiria arobaini waliokuwa wakisafiri kutoka Dar-es-salaam kuelekea Kahama wamenusurika kifo huku wengine wakipatiwa matibabu kwenye Hospitali ya Rufaa ya mkoa wa Singida ,baada ya basi walilokuwa wakisafiria kuligonga lori kisha kutumbukia korongoni.
Ajali hiyo ambayo imetokea majira ya saa kumina moja asubuhi eneo la Mangua Njuki Manispaa ya Singida ,lililohusisha basi la abiria lenye usajili wa namba T 721 DEN na lori aina ya fuso lenye usajili wa namba T. 981 DER yote yalikuwa yakielekea Kahama , ajali hiyo imedaiwa kusababishwa na mwendo kasi wa dereva wa basi .
Mganga Mfawidhi wa hospitali ya rufaa ya mkoa wa Singida na Daktari bingwa wa upasuaji wa mifupa daktari Deogratius Banuba amethibitisha kupokea majeruhi na kupatiwa matibabu katika hospitali hiyo.