Benki kuu ya Tanzania (BOT) imesema Tanzania imebakiwa na benki za wananchi nne tu ambazo zinafanyakazi nchi nzima baada ya benki nyingi zilizokuwa zinafanyakazi kufa kwa kushindwa kujiendesha kutokana na kukosa mitaji.
Mkurugenzi Mkuu Benki kuu ya Tanzania Bw.Jerry Sabi ameyasema hayo wilayani Mwanga wakati akizungumza na wanahisa wa benki ya wananchi Mwanga ambayo imepandishwa hadhi na kuwa benki ya kibiashara.
Amesema benki nyingi nchini zinakufa kutokana na kukosekana kwa utawala bora baina ya wasimamzi kutokana na watendaji kula njama na wanachama kushiriki kuchukua mikopo mikubwa ambayo wanashindwa kuirejesha na kugawana.
Kwa upande wake Mwenyekiti wa Benki ya wananchi Mwanga Bw.Ridhuani Ringo amesema hali ya benki hiyo kwa sasa inaridhisha baada ya kubaini sababu zilziokuwa zinapelekea benki kufa na kuchukua hatua na kwamba kwa sasa benki hiyo inakidhi masharti ya benki kuu ya kuwa na kiasi cha shilingi bilioni 5 ili iweze kuwa benki ya kibiashara nchni Tanzania.