Mbunge wa Viti Maalum Mkoa wa Arusha na Mwenyekiti wa Bunge, Mhe. Cecilia Daniel Paresso, ametoa msaada wa mbao zenye thamani ya shilingi milioni mbili na laki tano.
Msaada huo ni mahususi kwa ajili ya ujenzi wa nyumba za watumishi wa Chama Cha Mapinduzi (CCM) katika Wilaya ya Karatu.
Makabidhiano hayo yamefanyika rasmi mbele ya viongozi wa wilaya na wanachama wa chama hicho mkoani humo.
Mhe. Paresso amebainisha kuwa mchango huo ni hatua yake ya awali katika kuunga mkono juhudi za kuboresha mazingira ya kazi na makazi bora kwa watumishi wa CCM wilayani Karatu.
Katika hotuba yake, Mhe. Paresso amesisitiza umuhimu wa mshikamano na ushirikiano miongoni mwa wanachama katika kuimarisha miundombinu ya chama.
Amesema kuwa uwepo wa makazi bora utawawezesha watumishi kutekeleza majukumu yao kwa ufanisi mkubwa zaidi na kwa utulivu.
Kwa upande wao, viongozi wa CCM Wilaya ya Karatu wamemshukuru mbunge huyo kwa moyo wake wa kutoa na kuonyesha mfano wa uongozi.
Wameeleza kuwa msaada huo utaharakisha ujenzi wa nyumba hizo huku wakitoa wito kwa wadau wengine kujitokeza kuunga mkono mradi huo wa kimaendeleo.