Soko la wafanyabishara wadogo jijini Arusha linalijulikana kama Soko la Samunge limeteketea kwa moto usiku wa kuamkia leo na kusababisha hasara kubwa ya Mamilioni ya fedha.
Mkuu wa wilaya ya Arusha, Bwana Gabriel Dakharo amesema moto huo ulianza majira ya saa tano usiku bado chanzo chake hakijajulikana na asilimia kubwa ya mali za wafanyabiashara zimeteketea.
Hata hivyo Bwana Dakharo amesema vyombo vinavyohusika vimeanza uchunguzi na pia kufanya tathmini ya hasara iliyopatikana na pia kuwatambua wenye mali husika na kwamba taarifa kamili tatolewa.
Kutokana na tukio hilo mtu mmoja aliyetajwa jina la James Peter Temba 57 amefariki dunia baada ya kupata mshituko uliotokna na mali zake kuteketea kwa moto.
Kaimu Kamanda wa polisi wa Mkoa wa Arusha, Bwana Koka Moita amethitisha kutokea kwa kifo cha mfanyabishara huyo na amesema wanaendelea kuchunguza na pia kufuatilia zaidi madhara yaliyotokana na moto huo.