Siku tatu baada ya kutokea ajali iliyosababisha vifo vya watu 20 katika eneo la Mwakata wilayani Kahama, Jeshi la Polisi nchini limetangaza, oparesheni maalum ya ukaguzi wa madereva walevi, na magari yasiyo na viakisi mwanga, ili kudhibiti ajali za mara kwa mara zinazosababishwa na changamoto hiyo.
Kauli hiyo imetolewa na Kamanda wa Oparesheni na Mafunzo wa Jeshi la Polisi nchini, Kamishna Awadhi Juma Haji, baada ya kuwatembelea majeruhi waliolazwa katika Hospitali ya Manispaa ya Kahama.