Watuhumiwa saba raia wa Iran waliokamatwa na zaidi ya tani moja ya dawa za kulevya wiki iliyopita wilayani Kilwa mkoani Lindi, wamefikishwa katika mahakama ya mkoa wa Lindi.
Watuhumiwa hao walikamatwa na Mamlaka ya Kudhibiti na Kupambana na Dawa za Kulevya kwa kushirikiana na kikosi cha wana maji cha Jeshi la Wananchi wa Tanzania, eneo la Kilwa Masoko katika bahari ya Hindi wakisafirisha dawa hizo kwa kutumia Jahazi la Al Arbo.